کراچی میں لاک ڈاؤن مزید سخت، پولیس کو شہریوں سے سختی سے نمٹنے کی ہدایت | پاکستان

0
19


وزیراعلیٰ سندھ سید مراد علی شاہ کی ہدایت پر کراچی میں پولیس کو لاک ڈاؤن میں مزید سختی کرتے ہوئے شہریوں کے ساتھ سختی سے نمٹنے کی ہدایت کی گئی ہے۔

کراچی میں لاک ڈاون کا 17واں روز ہے ، تمام کاروباری مراکز، دفاتر اور اسکول بند ہیں جب کہ شاہراؤں پر بھی ٹریفک معمول سے بہت کم ہے، جگہ جگہ پولیس اوررینجرز کے اہلکار تعینات ہیں لیکن اس کے باوجود کچھ شہر کے کچھ مقا مات پر لاک ڈاؤن کی خلاف ورزی کی جا رہی ہے۔

گزشتہ روز وزیراعلیٰ سندھ مراد علی شاہ نے لاک ڈاؤن مزید سخت کرنے کا حکم دیتے ہوئے پولیس افسران کو ہدایت کی تھی کہ کسی بھی شہری کو بلا ضرورت باہر نکلنے کی اجازت نہ دی جائے۔

آج کراچی پولیس چیف غلام نبی میمن کی صدارت میں پولیس افسران کا اجلاس ہوا جس میں ایڈیشنل آئی جی کی جانب سے لاک ڈاؤن پر عمل درآمد کروانے کے لیے شہریوں کے ساتھ سختی سے پیش آنے کی ہدایت کی گئی۔

کراچی پولیس چیف کا کہنا تھا کوشش ہوگی کے شہریوں کو صرف ضرورت کے تحت نکلنے دیا جائے، خلاف ورزی پر افسران کو کارروائی یقینی بنانے کی ہدایت کی گئی ہے۔

غلام بنی میمن کا کہنا تھا کہ شہری لاک ڈاون کو سنجیدگی سے نہیں لے رہے، لہذا خلاف ورزی پر کارروائی اور جرمانہ بڑھانے پر بھی غور ہو رہا ہے۔

انہوں نے کہا کہ کوئی فیکٹری کھلی تو مالک کے خلاف بھی سخت کارروائی ہو گی، گزشتہ دو روز سے ناکہ بندی کا سلسلہ کم کیا گیا تھا، لیکن شہریوں کی غیر سنجیدگی پرمزید سختی کا فیصلہ کیا گیا ہے۔

کچھ شاہرائیں مکمل بند

لاک ڈاؤن میں مزید سختی کرتے ہوئے پولیس نے کراچی کی کچھ شاہراہیں مکمل طور پر بند کر دی ہیں۔

ائری پورٹ سے ڈرگ روڈ آنے والے روڈ کومکمل بند کر دیا گیا جب کہ بلوچ کالونی کے قریب بھی روڈ کو مکمل بند کر دیا گیا ہے۔

اس کے علاوہ یونی ورسٹی روڈ پرانی سبزی منڈی کے قریب بھی روڈ مکمل بند ہے جب کہ لیاقت آباد فلائی اوور کو بھی روکاوٹیں لگا کر بند کر دیا گیا ہے۔





Source link

LEAVE A REPLY

Please enter your comment!
Please enter your name here