Monday, February 6, 2023
Online Free Business listing Directory to Grow your Sales
HomeLatest Breaking newsپنجاب حکومت کی تشہیری مہم کے لیے اربوں روپے کی منظوری

پنجاب حکومت کی تشہیری مہم کے لیے اربوں روپے کی منظوری


پنجاب حکومت کی تشہیری مہم کے لیے اربوں روپے کی منظوری 1661156 36590492

پنجاب میں پی ٹی آئی اور ق لیگ کی مخلوط حکومت ہے۔ (فوٹو: ٹوئٹر)
پاکستان کے صوبہ پنجاب کی حکومت نے تشہیری مہم چلانے کے لیے تقریبا پونے نو ارب روپے کی منظوری دی ہے۔
اردونیوز کو موصول دستاویزات کے مطابق یہ منظوری کابینہ کی سٹینڈنگ کمیٹی برائے فنانس نے دی ہے۔
تشہیری مہم کی اس خطیر رقم کی منظوری کے لئے اس بات کو جواز بنایا گیا ہے کہ دوسرے صوبوں کا تشہیری مہم کا بجٹ پنجاب سے زیادہ ہے۔
منظوری کی اس سمری میں صوبہ سندھ کے ساتھ بجٹ کا موازنہ کرتے ہوئے کہا گیا ہے کہ ’پنجاب کے ترقیاتی منصوبے خاص طور پر ریسکیو 1122، صحت، تعلیم، خوراک اور زراعت وغیرہ کے محکمے کسی بھی صوبے سے بڑے ہیں اور زیادہ کام کر رہے ہیں۔‘
کمیٹی کے میٹنگ آف منٹس میں کہا گیا ہے کہ ’پنجاب کے محکموں کے ترقیاتی کاموں کی تشہیر کا جو بجٹ رکھا گیا ہے وہ دوسرے صوبوں سے کم ہے۔ اس لیے ڈئریکٹوریٹ جنرل آف پبلک ریلیشنز کی سفارش کو مانتے ہوئے تشہیری مہم کا بجٹ 8.7 ارب روپے کیا جاتا ہے۔‘
اس خصوصی سپلیمنٹری بجٹ گرانٹ کی منظوری اس سال یعنی 2022-23 کے بجٹ میں رکھی گئی ہے۔
پنجاب میں اس وقت تحریک انصاف کی حکومت ہے۔ ترجمان پنجاب حکومت سے جب اس حوالے رابطہ کیا گیا تو انہوں نے اس موضوع پر کسی بھی قسم کا موقف دینے سے گریز کیا۔
پنجاب حکومت کی تشہیری مہم کے لیے اربوں روپے کی منظوری capture 0
خصوصی سپلیمنٹری بجٹ گرانٹ کی منظوری اس سال یعنی 2022-23 کے بجٹ میں رکھی گئی ہے۔ 
خیال رہے کہ تحریک انصاف نے تشہیری مہم کے لئے خطیر بجٹ رکھنے پر ہمیشہ سابقہ حکومتوں کو تنقید کا نشانہ بناتی آئی ہے۔
صوبے کی اپوزیشن جماعتیں مسلم لیگ ن اور پیپلزپارٹی نے تشہیری مہم کے لیے بجٹ کی منظوری کو تنقید کا نشانہ بنایا ہے۔ پیپلزپارٹی کے پارلیمانی لیڈر حسن مرتضی نے کہا ہے کہ ’چوہدری پرویز الہی نے ہمیشہ بے دریغ اشتہاری مہم چلائی ہے اور ہمیشہ عوام کا پیسہ استعمال کیا ہے۔ اب تحریک انصاف بھی ان کی ہم پلہ بن چکی ہے۔ اور دونوں نہ صرف مل کے کھا رہے ہیں اب یہ عوامی پیسوں پر اگلے انتخابات کی تیاری کر رہےہیں۔‘





Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments