Saturday, March 2, 2024
Online Free Business listing Directory to Grow your Sales
HomeLatest Breaking newsغزہ جنگ بندی میں دو روز کی توسیع ہوگئی قطری وزارت خارجہ

غزہ جنگ بندی میں دو روز کی توسیع ہوگئی قطری وزارت خارجہ


(24 نیوز) قطری وزارت خارجہ کا کہنا ہے کہ اسرائیل اور حماس کے درمیان غزہ جنگ بندی میں 2 روز کی توسیع ہوگئی۔ جنگ بندی کے دوران مزید قیدیوں کی رہائی کیلئے فہرست تیار کی جا رہی ہے۔

اس حوالے سے حماس کا کہنا ہے کہ جنگ بندی میں دو روزہ توسیع پر اتفاق کر لیا گیا ہے۔

حماس کا کہنا ہے کہ غزہ میں انسانی ہمدردی کی بنیاد پر جنگ بندی کو انہی شرائط کے تحت مزید دو دن تک بڑھانے پر اتفاق کیا گیا ہے جیسا کہ سابقہ ​​جنگ بندی کی گئی تھی۔

یاد رہے کہ غزہ میں چار روزہ عارضی جنگ بندی کا آخری دن تھا، جنگ بندی میں توسیع کیلئے امریکا، یورپی یونین، مصر، قطر کی جانب سے کوششیں کی گئیں۔

یہ بھی پڑھیے: ایلون مسک کا غزہ کی مدد کرنے سے انکار

اس سے قبل مصر کا کہنا تھا کہ جنگ بندی میں مزید 2 روز کی توسیع کے قریب ہیں، اس دوران 20 اسرائیلی یرغمالیوں کے بدلے 60 فلسطینی قیدی رہا ہوں گے، چار روزہ عارضی جنگ بندی میں تین روز کے دوران حماس نے 39 اسرائیلی یرغمالیوں اور اسرائیل نے 117 فلسطینی قیدیوں کو رہا کیا۔

حماس نے 17 تھائی، ایک فلپائنی اور ایک اسرائیلی روسی شہری کو بھی رہا کیا، اسرائیلی وزیراعظم نے جنگ بندی میں ممکنہ توسیع کا خیرمقدم کرنے کے ساتھ ہی خبردار کیا ہے کہ عارضی جنگ بندی ختم ہوتے ہی پوری طاقت سے غزہ پر دوبارہ حملے کریں گے۔





Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments