Friday, February 23, 2024
Online Free Business listing Directory to Grow your Sales
HomeLatest Breaking newsصحافی ارشد شریف کی وفات پر وزیراعظم شہباز شریف کا اظہار افسوس

صحافی ارشد شریف کی وفات پر وزیراعظم شہباز شریف کا اظہار افسوس


(24 نیوز) صحافی ارشد شریف کی وفات پر وزیر اعظم شہباز شریف نے افسوس کا اظہار کیا ہے۔

وزیراعظم شہباز شریف نے سماجی رابطے کی ویب سائٹ ٹویٹر پر اپنے پیغام میں سوگوار خاندان سے تعزیت اور صبر وجمیل کی دعا کی ہے۔ انہوں نے کہا کہ ارشد شریف کی المناک موت سے صدمہ پہنچا ہے۔

دوسری جانب اینکر ارشد شریف کے مبینہ قتل پر اسلام آباد ہائیکورٹ نے سیکرٹری داخلہ اور خارجہ کو ارشد شریف کی فیملی سے رابطے کا حکم دے دیا۔

اسلام آباد ہائیکورٹ کے چیف جسٹس اطہر من اللہ نے ارشد شریف کے مبینہ قتل کی تحقیقات کیلئے دائر درخواست پر سماعت کی۔ وکیل شعیب رزاق نے عدالت کو بتایا کہ ارشد شریف کو کینیا میں قتل کر دیا گیا ہے۔ جس پر چیف جسٹس اطہر من اللہ نے استفسار کیا کہ کیا صحافی ارشد شریف کو قتل کیا گیا ہے؟ ابھی میت کہاں ہے؟۔

اسلام آباد ہائیکورٹ نے ریمارکس میں کہا ہے کہ سیکرٹری داخلہ اور خارجہ فوری طور پر نمائندے مقرر کریں جو فیملی سے رابطہ کریں، ارشد شریف کی فیملی کو مطمئن کرنے کیلئے تمام اقدامات کئے جائیں، کل عدالت میں رپورٹ پیش کی جائے۔ عدالت نے سماعت کل تک ملتوی کر دی۔





Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments