بچت بازار میں آتشزدگی، 700 دکانیں جل گئیں

وفاقی دارالحکومت اسلام آباد کے ایچ نائن بچت بازار میں آگ لگنے سے 700 دکانیں جل گئیں۔

اسلام آباد انتظامیہ کے مطابق آگ جوتوں اور گارمنٹس ک سیکشن میں لگی، بعد میں آگ نے برتنوں والے سیکشن کو بھی اپنی لپیٹ میں لیا۔

فیس بک ویڈیو گریب
فیس بک ویڈیو گریب

کافی جدوجہد کے بعد آگ پر مکمل قابو پا لیا گیا، 31 فائر بریگیڈز نے آگ بجھانے میں حصہ لیا۔

آگ بجھانے میں پاکستان نیوی، ایئر فورس اور راولپنڈی انتظامیہ سے بھی معاونت لی گئی۔

فیس بک ویڈیو گریب
فیس بک ویڈیو گریب

وفاقی وزیرِ داخلہ محسن نقوی نے آتشزدگی کے واقعے کی تحقیقات کا حکم دے دیا۔

انہوں نے چیئرمین سی ڈی اے اور چیف کمشنر اسلام آباد سے اس حوالے سے رپورٹ طلب کر لی۔

فیس بک ویڈیو گریب
فیس بک ویڈیو گریب

آ گ لگنے کی وجوہات کے شواہد اکٹھے کر رہے ہیں: پولیس

اتوار بازار میں آگ لگنے کے واقعے پر اسلام آباد پولیس کے ترجمان کا بیان سامنے آ یا ہے جس میں کہا گیا ہے کہ آئی جی اسلام آباد سید علی ناصر رضوی اور سینئر کمانڈ واقعے کی جگہ موجود ہے۔

اسلام آباد پولیس کے ترجمان کے مطابق اتوار بازار کے پورے علاقے کو پولیس تعینات کر کے کارڈن آف کر دیا ہے، آگ لگنے کی وجوہات جاننے کے لیے شواہد اکٹھے کیے جا رہے ہیں۔

فیس بک ویڈیو گریب
فیس بک ویڈیو گریب

ترجمان اسلام آباد پولیس کا کہنا ہے کہ ٹریفک فلو بحال رکھنے کے لیے تمام انتظامات مکمل کر لیے ہیں، اتوار بازار کے گرد ونواح میں ٹریفک کی روانی میں کوئی رکاوٹ نہیں ہے۔

اسلام آباد پولیس کے ترجمان کا یہ بھی کہنا ہے کہ شہری آج لگنے کے مقام پر غیر ضروری مجمع نہ لگائیں، پولیس سے تعاون کریں۔

Leave a Comment