ارشد شریف کو میں نے کہا تھا کہ ملک چھوڑ کر چلے جاؤ: عمران خان

سابق وزیراعظم عمران خان نے کہا ہے کہ ’ارشد شریف کو میں نے کہا تھا کہ تمہاری جان کو خطرہ ہے ملک چھوڑ کر چلے جاؤ۔‘

منگل کو پشاور میں وکلا کنوینشن سے خطاب کرتے ہوئے سابق وزیراعظم عمران خان نے کہا کہ ’ارشد شریف حق اور سچ پر کھڑا ہونے والا محب وطن پاکستانی تھا، جسے نہ کوئی ڈرا سکتا تھا نہ خرید سکتا تھا۔‘

انہوں نے بتایا کہ ’صحافت میں سب زیادہ عزت میں ارشد شریف کی کرتا تھا کیونکہ ان کے ضمیر کی کوئی قیمت نہیں تھی۔ مجھے نہایت رنج ہے کیسے انہیں شہید کردیا گیا۔‘